აშშ-ის კომერციის მდივნის ყოფილი მეორე მოადგილე, მეთიუ მურეი, ხაზს უსვამს აშშ-უკრაინის მინერალების ხელშეკრულების სტრატეგიულ მნიშვნელობას – ინიციატივას, რომელიც მიზნად ისახავს ამერიკის კრიტიკული ნედლეულით უზრუნველყოფას, უკრაინის ეკონომიკის აღდგენას და ასევე, უცილებელი იშვიათი მინერალების კუთხით, ჩინეთსა და რუსეთზე დასავლეთის დამოკიდებულების შემცირებას.
მინერალების მომარაგების ჯაჭვებზე მზარდი დაძაბულობისა და ჩინეთის მიერ იშვიათი მინერალების ექსპორტის შეზღუდვის ფონზე, უკრაინა რესურსების უსაფრთხოების ბრძოლაში მთავარ მოკავშირედ იქცევა, ამბობს მურეი.
ის სხვა სახელმწიფოებთან ამერიკის ურთიერთობაში ეკონომიკური მიდგომის ხანგრძლივი მხარდამჭერია. მურეი განმარტავს, რომ აშშ-უკრაინის ეს შეთანხმება აერთიანებს დიპლომატიას, ფინანსებს, კერძო კაპიტალსარეფ, რეფორმებს და ამასთან ამერიკის საგარეო პოლიტიკისთვის მნიშვნელოვან ნაწილს წარმოადგენს.
უკრაინას იმ 50 მინერალიდან, რომლებსაც ამერიკა საკუთარი ეროვნული უსაფრთხოებისათვის კრიტიკულად მნიშვნელოვნად მიიჩნევს, 20-ზე მეტი აქვს – მათ შორის ტიტანი, გრაფიტი და ლითიუმი. ეს მასალები გამოიყენება უამრავ სფეროში, ელექტრო მანქანების ბატარეებით და ავიაინდუსტრით დაწყებული, ნახევარგამტარებსა და თავდაცვის სისტემების წარმოებით დამთავრებული. მაგრამ, ეს რესურსები დღემდე ან სათანადოდ გამოუძიებელია, ან არასაკმარისად განვითარებული, ან საბჭოთა დროინდელ რუკებშია „ჩარჩენილი“.
თუმცა, მურეი ამბობს, რომ ეს სწრაფად იცვლება: აშშ-ის მხარდაჭერით, უკრაინა გეოლოგიურ მონაცემებს აციფრულებს და კარს უღებს გამჭვირვალე, გრძელვადიან ინვესტიციებს… და ეს მაშინ, როცა უკრაინა, კორუფციასთან ერთად, რუსეთის წინააღმდეგ ბრძოლას აგრძელებს.
მურეი, რომელიც უკრაინაში ტიტანის მწარმოებელ კომპანია Velta-ს მრჩეველთა საბჭოს ხელმძღვანელობს (რომელიც მსოფლიოს ტიტანის საჭიროებას 2%-ით ამარაგებს), ამბობს, რომ უკრაინას შეუძლია ჩამოყალიბდეს გადამუშავებული მინერალების და არა მხოლოდ ნედლეულის გლობალურ მომწოდებლად.